Testing

လစန်းရယ်တဲ့ ငွေဘုံဆောင်။

ပြည့်ဝန်းကြယ် သရဝနဏ်နှင့်

နယ်တဝှန် ရှစ်ခွင်တိုင်းမှာ

မှိုင်းရီလို့ မှောင်။

ငွေတာရာ သိန္ဓာငယ်တို့

ဝေဟာမှာ အရှိန်ပြပါတဲ့

ချိန်သမယ လဝါခေါင်မှာ

ငွေသောင်မြစ် ပြည့်လျှမ်း။

ခတ္တာငုံ

ချပ်လွှာမှုံ တကြူကြူနှင့်

ပြည်နိဗ္ဗူ ပတ္ထနာသန်လို့

စာရေးတံ လှူတော်ပွဲကို

(အိုကွယ်) နွှဲပျော်ဖို့လှမ်း။



“ဝါဆိုဝါခေါင် ရေဖောင်ဖောင်” ဟူသော ဆိုရိုးစကားနှင့်အညီ ဤနှစ်ကာလအတွင်း မိုးဖြိုင်ဖြိုင်ရွာ၍ တောင်သူလယ်သမားတို့အလုပ်များသော အချိန်အခါဖြစ်သည်။ အထူးသဖြင့် ဝါခေါင်လသည် မိုးရာသီ၏ အလယ်၊ မိုးလယ်လဖြစ်၍ ထိုလတွင် ထွန်တုံးထွန်တံတို့ကိုကိုင်၍ တောင်သူလယ်သမားတို့ အင်တိုက်အားတိုက် လယ်ကိုစိုက်ပျိုးကြသည်။ ဤကဲ့သို့ စိုက်ပျိုးချိန်အတွင်း လူအများသည် လုပ်ငန်းခွင်၌ မအားမလပ်ရှိကြ၍ ပွဲကြီးပွဲလမ်းများစွာမရှိချေ။



သို့ရာတွင် တခါတရံ အစာရေစာခေါင်းပါးသော အဖြစ်နှင့်ကြုံတွေ့ရတတ်သည်။ မနှစ်က သိုမှီးစုဆောင်းသော ဝမ်းစာစပါးကုန်၍ မျက်မှောက်ကာလ၌လည်း စိုက်ပျိုးဆဲဖြစ်၍ ဆန်စပါးမရသေးသောကြောင့် တိုင်းသူပြည်သားတို့ အကြပ်တွေ့ကြရသည်။ မြတ်စွာဘုရားသခင်လက်ထက်တော်၌ ဝေရဉ္စာမြို့သည် အစာခေါင်းပါး၍ အသက်မွေးမြူရန် ခဲယဉ်းသော အဖြစ်နှင့်ကြုံခဲ့ရ၏။ ထို့ကြောင့် လူတို့သည် စာရေးတံလက်မှတ်ဖြင့် အသက်မွေးကြရသည်။



စာရေးတံလက်မှတ်ဆိုသည်မှာ ယခုခေတ် ရာရှင်စနစ်ခေါ် စားနပ်ရိက္ခာအသုံးအဆောင်တို့ကို အများအတွက် မျှတအောင် ဝေငှပေးရသော စနစ်မျိုးဖြစ်သည်။ ထိုကဲ့သို့ အကြပ်အတည်းတွေ့ရသော ကာလတွင် ရဟန်းသံဃာတို့သည် ဆွမ်းခံရန်ခက်ခဲ၏။ တရံခါသော် ဥတ္တရာ ပထတိုင်းသား မြင်းကုန်သည်တို့သည် မြတ်စွာဘုရား သီတင်းသုံးတော်မူသော အစာရေစာ ရှားပါးလှသည့် ဝေရဉ္စာမြို့၌ ဆွမ်းခံဝင်သော် ဆွမ်းမရကြသဖြင့် မြင်းကုန်သည်တို့ထံ၌ ဆွမ်းအတွက် လှည့်လည်ကြ၏။



ထိုအခါ မြင်းကုန်သည်တို့သည် တစလယ်စီမျှသော မုယောဆန်ကို သံဃာတော်တို့အား လှူဒန်းရာ သံဃာတော်တို့လည်း ယင်းမုယောဆန်ကို ကျောင်းအရာမ်တွင်းသို့ယူဆောင်ပြီးလျှင် ဆုံ၌ဖွပ်၍ အာဟာရကိုမျှတရ၏။

ဤကဲ့သို့ ဆွမ်းအခက်အခဲနှင့် ကြုံတွေ့ရသောကာလ၌ ရဟန်း သံဃာတို့သည် သကာလဘတ္တခေါ် စာရေးတံဆွမ်းအလှူကို လက်ခံကြရသည်။



စာရေးတံဆိုသည်မှာ စာအက္ခရာအမှတ်အသားပါသော ဝါးခြမ်းပြားပင်ဖြစ်သည်။ ဤအလှူမျိုးကား သံဃာတော်အများကို ဒကာ ဒကာမတို့က ဆွမ်းပင့်ဖိတ်သောအခါ မည်သည့်ဒကာ ဒကာမသည် မည်သည့်သံဃာကို ဆွမ်းကျွေးစေဟု ဆုံးဖြတ်ရန်မရကောင်းသောကြောင့် စာရေးတံ ဝါးခြမ်းပြား၌ သံဃာအရေအတွက်ကို အမှတ်အသားပြု၍ ကံအလျောက်ဆွမ်းကပ်နိုင်ကြစေရန် အိမ်စဉ်အရ မဲနှိုက်စေ၍ လှူသောအလှူဖြစ်သည်။



ထို့ပြင် တနည်းကား စာရေးတံဝါးခြမ်းပြားပေါ်တွင် အလှူခံပုဂ္ဂိုလ်၏အမည်ကိုရေး၍ စာမတတ်သူ မျက်မမြင် စသည်တို့က စာရေးတံမဲကိုမွှေနှောက်နှိုက်ယူပြီးလျှင် လှူဖွယ်ဝတ္ထုပေါ်၌ ချထားရသည်။

ထိုအခါ အလှူခံပုဂ္ဂိုလ်သည် မိမိ၏ ကံကုသိုလ်အလျောက်ရအပ်သော လှူဖွယ်ဝတ္ထုကိုရလေသည်။

ဤဖြစ်ခဲ့ဖူးသော သာဓကကိုမှီ၍ ရှေးမြန်မာဘုရင်တို့သည် ဤဝါခေါင်လတွင် စာရေးတံမဲဖြင့် ဆွမ်းကွမ်းလှူဖွယ်ဝတ္ထုတို့ကို ဆက်ကပ်လှူဒါန်းကြသည်။



ဤသည်ကို အစွဲပြု၍ ဝါခေါင်လတွင် စာရေးတံလှူပွဲကျင်းပကြသည်ဟုဆိုသည်။ ဤသည်ကိုရည်၍ ဦးယာက ဆယ့်နှစ် ရာသီဘွဲ့ လူးတား ဝါခေါင်လဘွဲ့၌ .....

ရတုဝါခေါင်

တိမ်တောင်ပတ်ယှက်

သည်ရက်အခါ

မြတ်စွာထွတ်ထား

ရွှေစကားတွင်

ပွဲများခြိမ့်ခံ

စာရေးတံဟု

စီမံခင်းကျင်း

စသည်ဖြင့် စပ်ဆိုခဲ့ပါကြောင်း ဗဟုသုတအနေဖြင့် တင်ပြရင်း ယနေ့( ၁၅.၀၈.၂၀၁၁) တနင်္လာနေ့တွင် ကျရောက်သော ညီအမအရင်းသဖွယ် ချစ်ခင်ရပါသော သူငယ်ချင်း သဒ္ဓါလှိုင်း၏ မွေးနေ့လေးကို အမှတ်တရ ကျင်းပပေးလိုက်ပါတယ်ရှင်..









အေးဆေးတည်ငြိမ်လွန်းတဲ့ ချစ်ရတဲ့ သူငယ်ချင်းလေးရဲ့ မွေးနေ့လေးမှာ စာဖတ်သူများအားလုံးအတွက် Chocolate Milk shake လေးများကို စီစဉ်ပေးထားပါတယ်..

သုံးဆောင်လိုက်ကြပါအုံးရှင်...





























သဒ္ဓါ့အတွက် မွေးနေ့ကိတ်လေး..





လက်ဆောင် လက်စွတ်လေး..(တကယ်ပေးချင်တယ်..သိလား)







မွေးနေ့ကဒ်လေး(ကြိုက်မယ်ထင်ပါတယ်.. နမ်းအကြိုက်ရွေးထားတာ..)









ချစ်ရတဲ့ သူငယ်ချင်း သဒ္ဓါ တယောက် စိတ်သွားတိုင်းကိုယ်ပါပြီး လိုအင်ဆန္ဒတွေ အားလုံး ပြည့်ဝနိုင်ပါစေလို့ဆုတောင်းပေးလိုက်တယ်နော်...



HAPPY BIRTHDAY... သဒ္ဓါလှိုင်း



ဝန်ခံချက်။ ။ စာရေးတံပွဲတော်အကြောင်းကို ဆရာမောင်ထင်ရေးသော တစ်ဆယ့်နှစ်လရာသီမှ ကူးယူဖော်ပြပါသည်။