Testing

ကို ပြန်သတိရမိပါတယ်..။

ဖေဖေနဲ့မေမေ အိမ်ထောင်ပြုခဲ့တဲ့အချိန်ဟာ နောက်ကျခဲ့တဲ့အတွက် သမီး လူ့လောကထဲကို ရောက်လာခဲ့ပေမယ့် ဖေဖေနဲ့သမီး အချိန်ကာလကြာရှည်စွာ အတူမနေခဲ့ကြရဘူးနော်...
ဘယ်လိုပဲဖြစ်ဖြစ် ဖေဖေနဲ့သမီး အတူရှိခဲ့စဉ်အချိန်ကာလတွေမှာ ဖေဖေရဲ့မေတ္တာတွေကို သမီးအပြည့်အဝရခဲ့တဲ့အတွက် သမီးကျေနပ်ပါတယ်..

ဖေဖေမှတ်မိအုံးမလားပဲ..
မီးရထား(တိုင်း)ပို့ဆောင်ရေးရုံးအုပ်ကြီးဖြစ်တဲ့ဖေဖေ့အတွက် အစိုးရကပေးတဲ့“ မီးရထားကွာတာ” လို့ခေါ်တဲ့ ရန်ကုန်ဘူတာကြီးအနီးက ရပ်ကွက်လေးတခုက ဝန်ထမ်းအိမ်ရာမှာ သမီးတို့မိသားစု နေခဲ့ကြတယ်နော်..

ဝါးထရံ ပတ်ပတ်လည်ခြံခတ်ထားတဲ့ ပျဉ်ထောင်အိမ်သေးသေးလေးထဲက သမီးတို့မိသားစု(၃)ယောက် အတူရှိခဲ့စဉ်အချိန်ကာလတွေကို အခုချိန်ထိ သမီးမှတ်မိနေပါသေးတယ်..

မေမေက အိမ်မှုကိစ္စ အဝဝကိုထိမ်းသိမ်းနိုင်တဲ့ စံပြအိမ်ထောင်ရှင်မကြီးဖြစ်ပြီး ဖေဖေကတော့ သမီးတို့ရဲ့စားဝတ်နေရေးကို တာဝန်ယူခဲ့တယ်၊ ပြီးတော့ မေမေနဲ့သမီးကို အိမ်ထောင်ဦးစီးပြီး နွေးထွေးလုံခြုံတဲ့မေတ္တာတွေနဲ့ လွှမ်းခြုံပေးခဲ့တယ်၊ သမီးကတော့ အဲဒီမိသားစုလေးရဲ့ ဆည်းလည်းသံလေးဖြစ်ပြီး ဖေဖေ့ရဲ့အလိုလိုက်မှုသံလျက်ကို ကိုင်ခဲ့တဲ့ အိမ်ရှေ့စံမင်းသမီး ပေါက်စနလေးဖြစ်ခဲ့ရတာပေါ့.....း)

ငယ်ငယ်ကတည်းက ချူခြာလွန်းတဲ့ သမီးကို ဖေဖေက ရွှေခြူသေးသေးလေးတလုံးကို လည်ပင်းမှာဆွဲပေးရင်း “ဒီခြူလေးဆွဲပေးတဲ့နေ့ကစပြီး ဖေဖေ့ရဲ့သမီးလေး ကျန်းမာပါစေ... ခြူလေးကဲ့သို့ ကြည်လင်တဲ့အသံလေးကိုပိုင်ဆိုင်ပါစေ”လို့ ဆုတောင်းပေးခဲ့တာကိုလည်း မေမေပြောပြလို့ သမီးသိခဲ့ရပါတယ်။

အဲဒီလို ဖေဖေ့ရဲ့မြှောက်ပင့်အားပေးမှုတွေကြောင့် ပညာရည်ခွန်ဆုတွေ၊ အနုပညာပိုင်းမှာလည်း ထူးချွန်ဆုတွေကို နှစ်တိုင်း သမီးရရှိခဲ့တဲ့အခါတိုင်း စင်မြင့်ပေါ်မှာ ဆုယူနေတဲ့သမီးကို ဖေဖေပြုံးပြီး ကြည့်နေခဲ့တယ်နော်....။
အဲဒါနဲ့ပတ်သက်ပြီး အမှတ်ရစရာတခုရှိသေးတယ်..
သမီးရဲ့ (၈)နှစ်မြောက်မွေးနေ့မှာ ဖေဖေအလုပ်မသွားခဲ့ဘူး၊ သမီးကို ကျောင်းမှာ လာကြိုခဲ့တယ်၊ ပြီးတော့ သားအဖနှစ်ယောက် အိမ်ကိုအတူတူပြန်လာခဲ့ကြတယ်၊ အိမ်ဝရောက်လို့ ခြံစည်းရိုးတံခါးကိုဖွင့်ပြီး ဖေဖေက သမီးကို ခြံထဲကို အရင်ဝင်စေခဲ့တယ်..၊ ခြံထဲမှာတွေ့လိုက်ရတဲ့မြင်ကွင်းဟာ သမီးဘဝအတွက် ဘယ်တော့မှ မေ့ပျောက်လို့ မရနိုင်ခဲ့ပါဘူး...
စာရွက်ပေါ်မှာ သမီးရေးခြစ်ထားတဲ့ သမီးရဲ့လက်ရာ ပန်းချီပုံလေးတွေကို အိမ်ပတ်ပတ်လည်မှာ ခတ်ထားတဲ့ ခြံစည်းရိုးဝါးထရံပေါ်မှာ အစီအရီချိတ်ဆွဲထားပြီး ပန်းချီပြခန်းအဖြစ်ဖန်တီးပေးထားခဲ့တာပါပဲ..။
အဲဒီတုန်းက ပန်းချီဆွဲတယ်ဆိုပေမယ့် ရောင်စုံခဲတံတွေနဲ့ ဟိုခြစ် ဒီခြစ် ခြစ်ထားတဲ့ ခလေးအတွေးပန်းချီလေးတွေပါ၊ ခလေးဆိုတော့လည်း ပုံဆွဲပြီးတဲ့စာရွက်တွေကို သိမ်းရကောင်းမှန်းမသိခဲ့ဘူးပေါ့၊ အဲဒီလို သမီးလွှင့်ပစ်ထားတဲ့ ပန်းချီစာရွက်လေးတွေကို ဖေဖေက တရွက်စီ လိုက်ကောက်သိမ်းထားပြီး သမီးရဲ့မွေးနေ့မှာ ပန်းချီပြခန်းလေးအဖြစ်ဖန်တီးပေးခဲ့တယ်။
အဲဒီတုန်းက ဖေဖေပြောခဲ့တဲ့စကားလေး ဒီနေ့ထိ သမီးသိမ်းထားဆဲပါ...“သမီး.. အနုပညာဆိုတာ တန်ဖိုးထားတတ်ရတယ်”တဲ့
“ကိုယ်က ဝါသနာပါလို့ပဲဖြစ်ဖြစ် အပြင်းပြေပဲဖြစ်ဖြစ် ပုံဖော်ပြီးပြီဆိုရင် တန်ဖိုးထားပါ”..တဲ့
“ကိုယ်က လွှင့်ပစ်လိုက်ပေမယ့် ဖေဖေ့လို ကောက်ယူသိမ်းဆည်းထားတတ်တဲ့ သူတွေရှိကောင်းရှိနေမှာ”တဲ့..
အဲဒီနေ့ကစပြီး ဖေဖေ့ရဲ့ ဆုံးမမှုကြောင့် သမီးရေးခြစ်ခဲ့တဲ့ ပန်းချီပုံလေးတွေကို တန်ဖိုးထားတတ်လာခဲ့တယ်..


အခု ဘောလုံးပွဲရာသီရောက်နေပြီတဲ့ဖေဖေရေ...
ထုံးစံအတိုင်း မြန်မာရှုံးပြန်ပြီတဲ့လေ...
အရင်က မီးရထား လက်ရွေးစင်ဘောလုံးအသင်းခေါင်းဆောင်ဖြစ်ခဲ့ဖူးတဲ့ဖေဖေသာရှိရင် သမီးနဲ့ဖေဖေ ဘောလုံးပွဲအကြောင်း ပြောဖြစ်ကြအုံးမယ်ထင်တယ်နော်..
ဖေဖေမှတ်မိဦးမလားပဲ.....
ရန်ကုန်မြို့လယ်က အောင်ဆန်းကွင်း အားကစားရုံမှာ ဖေဖေ ဘောလုံးပွဲသွားကြည့်တိုင်း သမီးပါခဲ့တယ်နော်၊ ဖေဖေက ဘောလုံးပွဲကို အားပေး၊ သမီးက ဖေဖေ့ဘေးမှာထိုင်၊ ရှေ့ကဖြတ်သမျှ မုန့်သည်တွေကိုလက်ညှိုးထိုး၊ ဖေဖေ့အိပ်ထဲက ပိုက်ဆံလေးတွေ တရွက်ပြီးတရွက်ခုန်ထွက်ပေမယ့် ဘောလုံးပွဲအကြည့်မပျက်၊ သမီးကိုလည်း မငြိုငြင်ခဲ့ဖူးတဲ့ဖေဖေ...၊ ဘောလုံးပွဲပြီးသွားလို့ ရလိုက်တဲ့ ရလဒ်ကတော့ ဖေဖေ့ရဲ့အိပ်ကပ် ပြားချပ်သွားပြီး သမီးရဲ့ဗိုက် ပူဖောင်းလာတာပါပဲ..း)

စနေနေ့ ရုံးနေ့တဝက် တက်ရတဲ့နေ့တွေဆိုရင် ဖေဖေ့ရုံးကို သမီးလိုက်လည်နေကျနော်..၊
အဲဒီတုန်းက ဖေဖေ့ရဲ့ တပည့် ဖြစ်ခဲ့ဖူးတဲ့ စာရေးလေးတယောက်ဟာ အခု နာမည်ကြီးနေတဲ့ ဒါရိုက်တာ မောင်မျိုးမင်း(ရင်တွင်းဖြစ်) ဖြစ်နေခဲ့ပြီ။ အခုချိန်ထိလည်း ဦးဦးမောင်မျိုးမင်းက သမီးကိုတွေ့တိုင်း ဖေဖေ့ကို အမှတ်တရ ရှိနေဆဲပါ။ အဲဒီတုန်းက ဦးဦးမောင်မျိုးမင်းရဲ့အနားမှာ သွားသွားထိုင်ပြီး သူဝယ်ကျွေးတဲ့မုန့်တွေကို ထိုင်စားရင်း သူဆွဲနေတဲ့ပန်းချီတွေကို ထိုင်ကြည့်ခဲ့ဖူးတယ်။
ရုံးဆင်းချိန်ရောက်ရင် သားအဖနှစ်ယောက် သိမ်ကြီးဈေးဘက်ကို လမ်းလျှောက်ထွက်ကြတယ်၊ သမီးက ခလေးဆိုတော့ လျှောက်ကြည့် နေရရင် မောမှန်းတောင်မသိခဲ့ဘူးပေါ့၊ ဖေဖေကတော့ လူကြီးဆိုတော့ မောမှာပေါ့၊ အဲဒီလိုမောတဲ့အခါ လူရှင်းတဲ့သစ်ပင်ရိပ်တခုအောက်မှာ အမောဖြေရင်း သိမ်ကြီးဈေးက ဝယ်လာတဲ့ ရာသီစာ ဒူးရင်းသီးမွှာတွေကို တခုပြီးတခု စားနေတဲ့ သမီးကို ဖေဖေပြုံးကြည့်နေတာတွေ့တော့ စားလက်စ ဒူးရင်းသီးဖတ်လေးကို ဖေဖေ့ပါးစပ်ထဲကို လက်သေးသေးလေးနဲ့ ခွံ့ခဲ့ဖူးတာ သမီးမှတ်မိနေပါသေးတယ်။

အချိန်ကာလဆိုတာကလည်း ရပ်ထားလို့ ရနိုင်တဲ့အရာမှမဟုတ်တာနော်..
ဖေဖေ လူ့လောကကြီးထဲကနေ အပြီးအပိုင်ထွက်ခွာသွားခဲ့တယ်၊ အဲဒီနေ့ကစပြီး စနေနေ့တိုင်း အပြင်ထွက်လည်နေကျ သမီးဟာ အိမ်မှုကိစ္စတွေနဲ့အချိန်ကုန်နေတတ်တဲ့မေမေ့ရဲ့ဘေးမှာ နေရင်း ကြီးပြင်းခဲ့ရတော့တာပါပဲ..။


အခုတော့ ဆိုက်ပရပ်စ်ဆိုတဲ့ ကျွန်းနိုင်ငံလေးတခုမှာ သမီးဘဝကို သမီးဦးဆောင်နေရပြီ ဖေဖေရေ..
လက်ရှိထင်ရှား မိဘရှိနေကြတဲ့ သား/ သမီးနဲ့ မိဘမရှိတော့တဲ့ သမီးလိုမျိုး သား/သမီးတွေရဲ့ ခံစားချက်၊ စွမ်းအားခြင်း မတူကြဘူးဆိုတာ ဘဝတူတွေမှသာ နားလည်နိုင်ကြမှာပါ..။

မိဘဆိုတာ သားသမီးတွေအတွက် “အား” ပါ..။
မိဘမရှိတော့တဲ့ သားသမီးတိုင်းဟာ သူတို့ရဲ့ရင်ထဲမှာ အမြဲအားငယ်နေတတ်ကြတယ်..။
ပြဿနာတခုခုဖြစ်တိုင်း စိတ်ညစ်စရာနဲ့ကြုံရတိုင်း “ငါ့သမီး.. ဖေဖေရှိတယ်” ဆိုတဲ့ အားပေးစကားမျိုးကို တောင်းတမိတတ်ပါတယ်..။
အဲဒီလိုပဲ နိုင်ငံတခုဟာလည်း အဲဒီနိုင်ငံသားတွေအတွက် ကျောထောက်နောက်ခံ “အား”တခုပါပဲ။

နိုင်ငံခြားမှာက သမီးတို့လို အရှေ့တောင်အာရှသားတွေကို အရမ်းနှိမ်တယ် ဖေဖေ..
နေတတ်အောင် နေပေမယ့် အနည်းနဲ့အများတော့ အနှိမ်ခံကြရတာချည်းပါပဲ..။
ဖေဖေပေးခဲ့တဲ့ “စိတ်ဓာတ်ခွန်အား”တွေ သမီးမှာရှိတယ်ဆိုပေမယ့် တခါတလေတော့လည်း ဖေဖေ့ကို တမ်းတမိရင်း ငိုမိပါတယ်..။

တခါတလေ သမီးစဉ်းစားမိတယ်..
သမီးတို့လို နိုင်ငံခြားမှာ အလုပ်ထွက်လုပ်နေကြတဲ့သူတွေ ဘာကြောင့် အနှိမ်ခံနေကြရတာလဲ...
ဖြတ်လမ်းနည်းနဲ့အချိန်တိုအတွင်းမှာ ငွေများများရအောင်လို့ တိုင်းတပါးမှာ ကျွန်ခံနေကြရတာပဲမဟုတ်လား..
တကယ်လို့သာ သမီးတို့နိုင်ငံမှာ လူတိုင်းအတွက် အလုပ်တွေပေါနေမယ်ဆိုရင် လစာနဲ့ ကုန်ဈေးနှုန်း မျှတနေမယ်ဆိုရင် သမီးတို့လို လူမျိုးတွေ တခြားတိုင်းပြည်မှာ ကျွန်ခံနေစရာမလိုဘူးပေါ့ ။
လူတိုင်းဟာ ကိုယ့်မြေ၊ ကိုယ့်ရေကိုပဲ ချစ်ကြပါတယ်..၊
ဥပမာ။ ။ သမီးကိုပဲ ကြည့်ပါ..
ဖေဖေသာ ရှိနေမယ်ဆိုရင် သမီးနိုင်ငံခြားကို ထွက်ပြီး အလုပ်လုပ်စရာ လိုမယ်မထင်ဘူး။ သမီးက သွားမယ်ဆိုရင်တောင် ဖေဖေက ခွင့်ပြုမှာမဟုတ်ပါဘူး။
အဲဒါ ဘာဖြစ်လို့လဲဆိုတော့ သမီးကို ဖေဖေ့ရဲ့ နွေးထွေးလုံခြုံတဲ့ မေတ္တာအောက်မှာပဲ အေးချမ်းတဲ့ဘဝလေးနဲ့ မြင်ချင်လို့ပဲပေါ့။ကိုယ့်ရဲ့ သား/ သမီးကို ပူပြင်းတဲ့ ဘဝမျိုးကို မဖြတ်သန်းစေချင်လို့ပေါ့။

သတိရတုန်း ပြောရအုံးမယ် ဖေဖေရေ...
ဟိုတနေ့က သမီးတို့ဆိုင်ကို လာတဲ့ဧည့်သည်တယောက်နဲ့စကားပြောဖြစ်တယ်..
သမီးကို ဘာလူမျိုးလဲတဲ့..၊ သမီးက မြန်မာလူမျိုးပါ လို့ပြောလိုက်တော့..
“Very poor Country” တဲ့လေ..၊ သမီး ရင်နာတယ် ဖေဖေ..။
သမီးတို့နိုင်ငံဟာ Very poor Country တကယ်ပဲဖြစ်နေပြီလား...
သမီးလည်း ပြန်ပြောလိုက်ပါတယ်...
ကျမတို့နိုင်ငံဟာ မဆင်းရဲပါဘူး၊ ဆန်၊ ကျွန်း၊ ကျောက်စိမ်း၊ပတ္တမြား၊ နီလာ၊ ပုလဲ၊ ရေနံ၊ သဘာဝဓာတ်ငွေ့အဲဒါတွေထွက်ပါတယ် လို့ပြောတော့..
သူတို့ကပြုံးတယ်.. ဒါဆိုရင် မင်းက ဘာဖြစ်လို့ ကိုယ့်နိုင်ငံမှာ အလုပ်မလုပ်ပဲ တိုင်းတပါးမှာ ဒီလိုအလုပ်မျိုးလာလုပ်နေရတာလဲ..တဲ့

သမီး သူတို့ရှေ့မှာပဲ ရင်နာလွန်းလို့ မျက်ရည်တောက်တောက်ကျခဲ့ပါတယ်...
သူတို့က သမီးကို သနားသွားတယ် ထင်တယ်....“ပြောမိတာ sorry” ပါတဲ့
သမီးလက်ကာပြလိုက်တယ်..
ပြီးတော့
“ကျမမှာ အဖေမရှိတော့လို့ ဒီလိုနေရာမျိုးမှာ ကျမကိုတွေ့ရတာ..၊ ကျမမှာသာ အဖေရှိရင် ဒီလိုနေရာမျိုးမှာ ကျမကိုတွေ့ရမှာမဟုတ်ပါဘူး”..လို့ မျက်ရည်ကြားထဲက အားယူပြီး ပြောလိုက်တယ်..ဖေဖေ
သမီးလိုမျိုး ဘဝတူတွေလည်း သမီးနည်းတူ ခံစားနေကြရမယ်ဆိုတာ သမီးသိနေပါတယ်...
ဘယ်လိုပဲဖြစ်ဖြစ် အဖေမရှိတော့ပေမယ့်လည်း သမီးတို့တတွေ ကိုယ့်မာန်ကိုယ်တင်းပြီး ကိုယ့်ဘဝကိုယ် လျှောက်နေကြဆဲပါ....

အိမ်တစ်အိမ်မှာ(သို့မဟုတ်)တိုင်းပြည်တစ်ခုမှာ အုပ်ထိန်းသူလို့ခေါ်တဲ့ အဖေမရှိတဲ့အခါ(သို့မဟုတ်)ကိုယ့်နိုင်ငံသားများဘက်က မားမားမတ်မတ်ရပ်တည်ပေးမယ့် ခေါင်းဆောင်မရှိတဲ့အခါ ... သား/ သမီးတွေ (သို့မဟုတ်) နိုင်ငံသားတွေ အနှိမ်ခံကြရပါတယ်၊ အပြောခံကြရပါတယ်၊ ရင်နာစရာတွေနဲ့ကြုံတွေ့ကြရပါတယ်..
အဲဒီလိုပဲ...
...အဲဒီလိုပဲ...
.........အဲဒီလိုပဲ.....

သမီးစာဆက်ရေးလို့ မရတော့ဘူးဖေဖေ...
ဒီနေ့မှာ ကျရောက်တဲ့ အဖေများနေ့မှာ တမလွန်က ဖေဖေ့ကို သမီးကန်တော့လိုက်ပါတယ်ရှင်